شعر

هوسات فی رثاء العباس(ع)

گحم ذيچ العساچر گام وخلـّه الدنيه كلها اتشوف

كـل نـيته يـجيب الـماي عـباس ابـگلب مــلهوف

واعـد والـوعـد وفـّاه ابـداً مـــا بـــخل لــچفوف

«ظل طايح والسهم ابعينه»

*     *     *

يـودّون الــعتب للـيسوا مــن هـالناس

لن غيره ابوجوده وعاطـفه وإحساس

مو زيـنب خـذوها ومـاحـضر عباس

« يالكافل زينب ذلـّوها»

*     *     *

رد راس الگمر من عالرمح ويگول

يـا زيـنب ابـريني الــذمّه لـو مـقبول

خان الدهر بيّه وراسي ظل مـشيول

«وچفوفي طاحت عالشاطي»

*     *     *

من طاح البطل عــباس چن طاح السما اعلى الگاع

ظـل يـم الـنهر مـطروح وحـده او ماحـضر فـــزّاع

طايـح والـسهم بـالـعين إحـضر يـبو الــيمّه ابـــساع

«عالشاطي والسهم ابعينه»

*     *     *

www.aleradi.com